Limba și literatura maternă 2019

Ministerul Educaţiei Naţionale Centrul Naţional de Evaluare şi Examinare EVALUAREA NAŢIONALĂ PENTRU ABSOLVENȚII CLASEI A VIII-A Anul şcolar 2018-2019 Probă scrisă Limba şi literatura rromani maternă Varianta 6 • Toate subiectele sunt obligatorii. Se acordă 10 puncte din oficiu. • Timpul de lucru efectiv este de 2 ore. SUBIECTUL I 45 de puncte DEL PES O TÈKSTO „Sasas jekh baro rukh, jekhe themesθe. Opre beśelas jekh daj kakaràśka, kaj tatǎrelas pesqe anre. Kana biandile e ćhavrǎ, avilo o kalo sap thaj xalǎ len. Kadja, jekhvar, dujvar, trinvar... I kakaràśka, rovindoj, geli an-jekh aver rukh. O kalo sap palal laθe. Sar зalas voj jekhe neve rukhesθe, o kalo sap arakhelas la thaj xalas laqe ćhavrěn. Anθ-jekh dǐves, i kakaràśka maladili la resutnǎça. I resutni sasas amalni laça thaj biamalni le sapeça. Voj phendǎs laqe: - Sosθar na mudares le sapes? I kakaràśka dias la` anglal: - Sar te mudares les? Vov si but viśalo aj zoralo! I resutni dias la` godǐ aj phendǎs: - Зa ka-i derǎv, kothe avela, svàko dǐves, o raklo le thagaresqo te najol. Vov mukhel pesqe gada paśal jekh luvorro thaj lesqe manuśa aźukeren les othe ka-i ućhalin. Vov mukhela kothe vi pesqi angrusti. Texarinǎθe, tu ka ćores lesθar kodoja angrustni aj ingeres la ka o than e kale sapesqo. Kadja kerdǎs i kakaràśka. Kana najilo e thagaresqo raklo, voj ćordǎs i bari lesqi angrustni thaj sig-sig xurǎndili te ingerel la ka-o than kaj beśelas o kalo sap. Uśtile savorre manuśa le thagaresqe thaj prastandile palal laθe. Line barra, line kaśta, ama n-aśtisarde te resen la. Kana i kakaràśka resli k-o rukh, kaj, tele, sasas i xïv le sapesqi, ćhudǎs i angrustik andre. E manuśa dikhle la, tha` kana zumavde te lien i angrustni, śunde i śol le sapesqi: „śiiii!”. Inkaldǎs o sap pesqo śero thaj lias te mudarel le manuśen, tha` von kaśtença, barrença kerde les sar jekh mulikani porr, mudarde les! Palal, line i angrustik thaj gele-θar. Kadja, i kakaràska d-aśtisardǎs te barǎrel pe ćhavrěn bi te maj avel la traś.” (I kakaràśka thaj o kalo sap – adaptisardi kaθar o Marcel Courthiade) 1. Xramosaren savo si o tìtulo thaj o autòro e dine tekstosqo! 5 pùnkturǎ 2. Xramosaren, anθ-e trin-śtar rèndurǎ, so ӡanas palal i kakaràśka! 5 pùnkturǎ 3. Ambolden gaзikanes e anglutne panӡ alineàturǎ anθar o tèksto dino maj opre! 5 pùnkturǎ 4. Arakhen e sinonìmurǎ vaś e alava: kaśt, mothovel, їmpäràto, daral, amboldel! 5 pùnkturǎ 5. Roden thaj xramosaren panз ӡuvlikane зivdisarde navnǎ/ substantìvurǎ! 5 pùnkturǎ 6. Roden thaj xramosaren panз kernavnǎ/ vèrburǎ save si ka-o indikatìvo mòdo, ka-o imperfèkto vaxt! 5 pùnkturǎ Probă scrisă la limba şi literatura rromani maternă Varianta 6 Pagina 1 din 2  Ministerul Educaţiei Naţionale Centrul Naţional de Evaluare şi Examinare 7. O alav „kalo” si: a) substantìvo; b) adźektìvo; c) vèrbo. 5 pùnkturǎ 8. Arakhen, anθ-o dino tèksto, panз sarnavnǎ/ pronòmbrurǎ. 5 pùnkturǎ 9. Roden thaj xramosaren anθar dino tèksto panӡ alava anθ-e save te avel jekh anθar e postpozicionàlo grafème: q, θ, ç!. 5 pùnkturǎ SUBIECTUL al II-lea_ 45 de puncte 1. Nakhaven i sintàgma „o kalo sap” anθar savorre siklile kèzurǎ, ka-o jekhipen vi ka-o butipen! 10 pùnkturǎ 2. Nakhaven i kernavni/ o vèrbo „beśel” ka-e savorre vaxta e indikativone modosqe/ ćhandesqe! 10 pùnkturǎ 3. Vakǎren, anθ-e śtar-panз rèndurǎ, sosθar e manuśa, anθar o tèksto dino maj opre, mudarde le sapes! 10 pùnkturǎ 4. Xramosaren, anθ-e śtar-panз rèndurǎ, so tume xatǎren anθar o godǎver phenipen: „So tut na ćajlǒl tut, averesqe na ker!”! 10 pùnkturǎ 5. Nakhaven i sarnavni/ o pronòmbro „kon” ka-e savorre siklile kèzurǎ ! 5 pùnkturǎ Probă scrisă la limba şi literatura rromani maternă Varianta 6 Pagina 2 din 2